ՀՌՀ-ի գիտական հրատարակությունների խմբագրությունը գործում է 2012 թ. վերջից հրատարակչական գործառույթների վերաբաշխման մասին ռեկտորի № 01-07/980 հրամանի հիման վրա։ Գիտահրատարակչական գործունեությունը ստեղծագործական գործունեության և կազմակերպչական ու տեխնիկական աշխատանքի ամբողջություն է, որն ուղղված է գիտական, գիտամեթոդական, ուսումնական, ուսումնամեթոդական, տեղեկատվական, քարտեզագրական, պարբերական, պատկերական հրապարակումների, ինչպես նաև տպագիր ցանկացած տեսակի արտադրանքի պատրաստմանը:
Գիտահրատարակչական գործունեությունն իրականացվում է Հայաստանի Հանրապետության «Կրթության մասին» (ընդունված 14.04.1999թ.), «Բարձրագույն և հետբուհական մասնագիտական կրթության մասին» (ընդունված 07.05.2002թ.), «Հեղինակային և հարակից իրավունքների մասին» (ընդունված 1996թ. մայիսի 13-ին), «Զանգվածային լրատվության մասին» (ընդունված 13.12.2003թ.) օրենքների, հրատարակչական ԳՕՍՏ-երի, Բարձրագույն ուսումնական հաստատության խմբագրական և հրատարակչական խորհրդի կանոնակարգի, Ռուսաստանի Դաշնության կամ Հայաստանի Հանրապետության կրթության նախարարության կնիքը կրթական հրատարակություններին հատկացնելու կարգի, Համալսարանի կանոնադրության և «Համալսարանի գիտախմբագրական գործունեության մասին» կանոնակարգերի հիման վրա։ Համալսարանի գիտական հրապարակումների խմբագրությունը (ԳՀԽ) գործում է հրատարակչական գործունեության լիցենզիայի ( ЛР № 0112 առ 09.06.1999 թ.) և ՀՌՀ ռեկտորի հրամանի հիման վրա։